ତାପମାତ୍ରା ବୃଦ୍ଧି ଯୋଗୁ ରାସନ ସାମଗ୍ରୀ ବଣ୍ଟନ କରିବାର ସମୟ ନିଦ୍ଧାରିତ କରାଯାଇଛି | ରାଜ୍ୟରେ ଅତ୍ୟଧିକ ତାପମାତ୍ରା ବୃଦ୍ଧି ଯୋଗୁ ଖାଦ୍ୟ ଯୋଗାଣ ବିଭାଗରୁ ରାସନ ଚାଉଳ ବଣ୍ଟନ କରିବାର ନିଦ୍ଧାରିତ ସମୟ ସ୍ଥିର କରାଯାଇଛି | ସମସ୍ତ ହିତାଧିକାରୀ ମାନଙ୍କୁ ରାସନ ସାମଗ୍ରୀ ସକାଳ ୭ ଟାରୁ ୧୦ ଟା ଏବଂ ସନ୍ଧ୍ୟା ୫ଟାରୁ ୮ ଟା ଭିତରେ ରାସନ ଚାଉଳ ବଣ୍ଟନ ପ୍ରକ୍ରିୟା ହେବ ବୋଲି ଖାଦ୍ୟ ଯୋଗାଣ ବିଭାଗରୁ ସୂଚନା ମିଳୁଛି | ଦିନକୁ ଦିନ ତାପମାତ୍ରା ବୃଦ୍ଧି ଯୋଗୁ ରାଜ୍ୟ ସରକାର ରାସନ କାର୍ଡ ହିତାଧିକାରୀମାନଙ୍କ ସୁରକ୍ଷା ଦୃଷ୍ଟିରୁ ରାସନ ସାମଗ୍ରୀ ବଣ୍ଟନର ସମୟ ନିଦ୍ଧାରିତ କରାଯାଇଛି | ଅତ୍ୟଧିକ ଖରାରୁ ସୁରକ୍ଷା ଦୃଷ୍ଟିରୁ ରାଜ୍ୟ ସରକାର ସମସ୍ତ ରାସନ ଚାଉଳ ବିତରଣ କେନ୍ଦ୍ରରେ ଓ ଚାଉଳ ଉଠାନା ବିତରଣ କେନ୍ଦ୍ରରେ ଶ୍ରମିକମାନଙ୍କ ପାଇଁ ପାନୀୟ ଜଳ ଓ ଓଆରଏସ ବ୍ୟବସ୍ଥା କରିବାକୁ କହିଛନ୍ତି ସରକାର |
