ହିତାଧିକାରୀଙ୍କ ରାସନ କାର୍ଡ ହଠାତ୍ କଟିଯିବ ନାହିଁ । ରାଜ୍ୟରେ କିଛି ଦିନ ହବ ରାସନ କାର୍ଡ e-kyc ଅପଡେଟ କରିବା ପାଇଁ ରାଜ୍ୟରେ ସମସ୍ତ ହିତାଧିକାରୀମାନଙ୍କୁ ସୂଚନା ଦିଆଯାଇଥିଲା । ତଥାପି ଅନେକ ହିତାଧିକାରୀ କିଛି ଅସୁବିଧା କାରଣରୁ e-kyc କରିବାରେ ଅସୁବିଧାର ସମୁଖିନ୍ନ ହୋଇଥିଲେ ଓ ଖାସ କରି ଯେଉଁ ହିତାଧିକାରୀ ରାଜ୍ୟ ବାହାରେ କାମ କରିଛନ୍ତି ସେମାନେ ରାସନ କାର୍ଡ ଅପଡେଟ କରିବାରେ ଅସୁବିଧାର ସମୁଖିନ୍ନ ହୋଇଛନ୍ତି । ଏପର୍ଯ୍ୟନ୍ତ ୩୦ ଲକ୍ଷ ୭୩୪ ହିତାଧିକାରୀ e-KYC କରି ନାହାନ୍ତି ବୋଲି ସୂଚନା ମିଳୁଛି । ମାର୍ଚ୍ଚ ୩୧ ତାରିଖପରେ ଜଣାପଡ଼ିବ ସମୁଦାୟ କେତେ ଲୋକ e-KYC କରିନାହାନ୍ତି ।ହିତାଧିକାରୀଙ୍କ ରାସନ କାର୍ଡ ହଠାତ୍ କଟି ଯିବ ନାହିଁ ବୋଲି ସୁଚନା ଦେଇଛନ୍ତି ଖାଦ୍ୟ ଯୋଗାଣ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର । ମାର୍ଚ୍ଚ ମାସ ସରିବା ପରେ ଫିଲ୍ଡ ଭିଜିଟ୍ କରି e-KYC କଣ ପାଇଁ ହୋଇନି ଯାଞ୍ଚ ହେବ ବୋଲି ସୂଚନା ମିଳୁଛି । ୬ ଲକ୍ଷ ୩୫ ହଜାର ହିତାଧିକାରୀ ପୋର୍ଟାଲ ଜରିଆରେ ପୂର୍ବରୁ ଆବେଦନ କରିଛନ୍ତି । ସର୍ଭେ କାର୍ଯ୍ୟ ସମ୍ପୂର୍ଣ ସରିଲେ ରାସନ ହିତାଧିକାରୀ ରାସନ ଚାଉଲ ପାଇବେ ।
