୨୪ତାରିଖରୁ ରାଜ୍ୟରେ ପ୍ରବଳ ବର୍ଷା ସମ୍ଭାବନା । ରାଜ୍ୟରେ ପ୍ରାୟ ଜିଲ୍ଲା ଗୁଡିକରେ ପ୍ରବଳ ବର୍ଷା ଲାଗିରହିଛି | ଏବଂ କିଛି ଜିଲ୍ଲା ଗୁଡିକରେ ପ୍ରବଳ ବର୍ଷା ହେବା କାରଣରୁ ବନ୍ୟା ପରିଷ୍ଟିତି ଦେଖାଦେଉଛି । ଆଜି ରାଜ୍ୟରେ ପ୍ରବଳ ବର୍ଷା ଓ ଘଡଘଡି ହେବା ନେଇ ୧୧ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିଛି ଆଞ୍ଚଳିକ ପାଣିପାଗ ବିଭାଗ । କାଲି ମଧ୍ୟ ବର୍ଷା ଓ ପବନ ହେବା ନେଇ ୧୭ ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ଏବେ ବର୍ଷାର ପରିମାଣ ରାଜ୍ୟରେ ସାମାନ୍ୟ କମିବା ବେଳେ ଆସନ୍ତା ୨୪ତାରିଖରୁ ବର୍ଷାର ପରିମାଣ ବଢ଼ିବା ସହ ପ୍ରବଳରୁ ଅତିପ୍ରବଳ ବର୍ଷା , ପବନ , ଘଡାଘଡ଼ି ହେବା ପାଣିପାଗ କେନ୍ଦ୍ରରୁ ସୂଚନା ମିଳୁଛି । ୨୪ରେ ପ୍ରବଳ ବର୍ଷା ହେବା ନେଇ ୫ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରିକରାଯାଇଛି । ଏବେ କିଛି ଦିନ ରାଜ୍ୟରେ ବର୍ଷା ଲାଗିରହିଥିବାରୁ ବାଲେଶ୍ୱର ଜିଲ୍ଲାରେ ବନ୍ୟା ପରିଷ୍ଟିତି ଦେଖାଦେଇଛି । ୨୪ତାରିଖରୁ ରାଜ୍ୟରେ ପ୍ରବଳ ବର୍ଷା ସମ୍ଭାବନା |
